Plantun de Prouvènço

Pèr coumpara dos planto d'encò nostre

Scirpoides holoschoenus subsp. holoschoenus & Asparagus tenuifolius

Scirpoides holoschoenus subsp. holoschoenus

Cyperaceae

Nom en français : Scirpe-jonc.

Descripcioun :
Aquelo planto èi troumpouso que sèmblo pulèu, à proumiero visto, à un jounc qu'à uno liandro (pamens i'a ges de tepalo e lou fru es un akène eici - un boursèu encò di Juncaceae). Autramen se recounèis à sis enflourejado (terminalo e faussamen sus lou coustat) en boulo surmountado pèr uno bratèio. La subsp. presentado eici, holoschoenus, se recounèis à sa bratèio courto (< 25 cm e souvènt bèn mens, e pounchudo) e lou noumbre de gloumerulo impourtant (mai que 5, e fin qu'à 30).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,3 à 1,5(2,5) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Scirpoides
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1,5 à 3 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Ribiero - Palun - Escoumbre e proche dis oustau
Estànci : Termoumediterran à Mountagnard
Couroulougi : Mediterrano-atlantico
Ref. sc. : Scirpoides holoschoenus subsp. holoschoenus (L.) Soják, 1972 (= Scirpus holoschoenus L., 1753 )

Espargo(-di-fueio-primo)

Asparagus tenuifolius

Asparagaceae

Nom en français : Asperge à feuilles étroites.

Descripcioun :
Aquesto espargo, raro au nostre, sèmblo proun à l'espargo-fèro. Pamens li fueio soun mai primo e li flour soun pourtado pèr un long pecou. Flouris à la primo au contro de sa cousino.

Usanço :
A li mémi prouprieta que l'espargo-fèro.